न्यू स्पोट्र्स क्लबको १४ औँ वार्षिकोत्सव तथा प्रथम दशैँ पूर्णिमा कप सुरु

रेडियो गलकोट
११ कार्तिक, २०८३

न्यू स्पोट्र्स क्लब गलकोट नगरपालिका–११ रिघा अमर्छाको १४ औँ वार्षिकोत्सव तथा प्रथम दशैँ पूर्णिमा कप फाइभ ए साइड फुटसल प्रतियोगिता सुरु भएको छ ।

कार्यक्रमको उद्घाटन गर्दै गण्डकी प्रदेशकी उपसभामुख बिना कुमारी थापाले खेलकुदले युवाको प्रतिभा प्रस्फुटन गर्न, अनुशासन कायम गर्न र समाजमा आपसी एकता तथा सद्भाव बढाउन महत्त्वपूर्ण भूमिका खेल्ने बताउनुभएको छ । उहाँले युवाहरूलाई खेलकुदसँगै सामाजिक तथा रचनात्मक गतिविधिमा सक्रिय बनाउन यस्ता प्रतियोगिताले सहयोग पु¥याउने धारणा राख्नुभयो ।

२८ टोलीको सहभागिता रहेको फाइभ ए साइड फुटसल प्रतियोगितामा प्रथम हुने समूहले नगद ५० हजार ५, ट्रफी, मेडल र प्रमाणपत्र प्राप्त गर्नेछ । त्यस्तै, द्वितीय हुने समूहले नगद ३० हजार ५, ट्रफी, मेडल र प्रमाणपत्र प्राप्त गर्ने क्लबले जनाएको छ ।

कार्यक्रममा क्लबका संस्थापक अध्यक्ष धनिश्वर सापकोटा र संस्थापक दान बहादुर श्रीसले शुभकामना मन्तव्य व्यक्त गर्नुभएको थियो ।

कार्यक्रम न्यू स्पोट्र्स क्लबका अध्यक्ष सुवेदार गंगा बहादुर श्रीसको अध्यक्षता, सदस्य नरमाया श्रीसको स्वागत र समाजसेवी तेजिन्द्र श्रीसको सञ्चालनमा सम्पन्न भएको थियो ।