हिस्तुन गलकोटको अध्यक्षमा : गौतम

रेडियो गलकोट
१ असोज, २०८३

साविक उच्च माध्यमिक विद्यालयमा कार्यरत माध्यमिक विद्यालय शिक्षकहरूको संगठन माध्यमिक विद्यालय शिक्षक युनियन (हिस्तुन) गलकोट नगर समिति गठन गरिएको छ ।

ईश्वर गौतमको अध्यक्षतामा ११ सदस्यीय हिस्तुन गलकोट नगर समिति गठन गरिएको हो । नवगठित समितिको उपाध्यक्षमा रमेश खत्री, सचिवमा गोविन्दप्रसाद शर्मा, सहसचिवमा मानसिंह थापा र कोषाध्यक्षमा गणेशराज भट्ट चयन हुनुभएको छ ।

त्यस्तै, समितिको सदस्यहरूमा होमबहादुर केसी, पर्शुराम रेग्मी, निरव चौधरी, सागर गौतम, गणेश भण्डारी र दीपक पौडेल रहनुभएको छ ।

यसैगरी, झलक पाण्डेको संयोजकत्वमा ७ सदस्यीय सल्लाहकार समिति समेत गठन गरिएको छ । सल्लाहकार समितिको सदस्यहरूमा हरि चालिसे, खिमनाथ गौतम, छविलाल कार्की, भक्तबहादुर विष्ट, कलाधार कडेँल र गोपाल शर्मा रहनुभएको छ ।

नवगठित समितिले साविक उच्च माध्यमिक तहमा कार्यरत शिक्षकहरूको पेशागत हकहित, क्षमता विकास तथा शैक्षिक क्षेत्रमा देखिएका समस्या समाधानका लागि समन्वय र सहकार्य गर्दै अघि बढ्ने जनाएको छ ।