दीप ज्योति आधारभुत विद्यालयमा अभिभावक भेला

रेडियो गलकोट
६ असोज, २०८३

दीप ज्योति आधारभुत विद्यालय गलकोट नगरपालिका वडा नं. ७ मा विद्यालय व्यवस्थापन समिति गठनका लागि अभिभावक भेला सम्पन्न भएको छ ।

भेलामा बोल्दै गलकोट नगरपालिका वडा नं. ७ का वाड अध्यक्ष राज बहादुर थापाले शिक्षा समाजको पहिचान भएकाले विकासको पूर्वाधारको रुपमा शिक्षालाई प्राथमिकता दिनुपर्ने बताउनुभयो । उहाँले गुणस्तरिय शिक्षाले मात्र विद्यार्थीहरुको चौतर्फी विकास र सक्षम जनशक्ति उत्पादन हुने भएकाले शिक्षामा लगानी आवश्यक रहेको बताउनुभयो ।

उक्त अवसरमा विद्यालयका प्रधानाध्यापक वीर बहादुर चोखालले विद्यालयको शैक्षिक, आर्थिक र व्यवस्थापकीय पक्षको प्रतिवेदन प्रस्तुत गर्नुभएको थियो ।

भेलाले शिक्षा नियमावली दशौँ संशोधन अनुसार विद्यालय व्यवस्थापन समिति गठनका लागि अभिभावकहरुमध्येबाट मन बहादुर कार्क, नर बहादुर थापा मगर, सरस्वती दर्जी र पूजा परियारलाई पतिनिधि छनोट गरेको छ । भने, शिक्षक प्रतिनिधि तुल बहादुर थापा, वडा प्रतिनिधि यशुदा थापा र सदस्य सचिव विद्यालयका प्रधानाध्यापक वीर बहादुर चोखाल रहनुभएको छ ।

त्यस्तै नगेन्द्र मल्लको संयोजकत्वमा ७ सदस्यीय विद्यालय व्यवस्थापन सल्लाहकार समिति गठन गरेको छ । समितिको सदस्यमा बसन्त क्षेत्री, हर्क बहादुर खड्का, टेकनाथ शर्मा, थम्मन बहादुर थापा, ललित बहादुर मरासनी र लाल बहादुर कार्की रहनुभएको छ ।

यसैगरी शिक्षक अभिभावक संघको लागि अभिभावकहरुमध्येबाट पद्मा नेपाली, छम बहादुर कार्की, खिमा परियार, माया श्रीस, गंगा कार्र्की, रुपा सुनार, रेनु थापा र शिक्षक प्रतिनिधिमा मिरा थापा र गोवन्द विसीलाई छनोट गरिएको र शिक्षक अभिभावक संघको पहिलो बैठकले अध्यक्षको चयन गर्ने विद्यालयका प्रधानाध्यापक वीर बहादुर चोखालले बताउनुभयो ।

सो अवसरमा विद्यालय व्यवस्थापन समितिका सदस्य नर बहादुर थापा मगरले मन्तव्य राख्नुभएको थियो । भने, विद्यार्थीहरुले लोक नृत्य प्रदर्शन गरेका थिए ।

कार्यक्रम विद्यालय व्यवस्थापन समितिका अध्यक्ष नगेन्द्र बहादुर मल्लको अध्यक्षता, शिक्षक तुल बहादुर थापा र विद्यार्थी रजनी परियारको स्वागत र शिक्षक गोेविन्द विसीको सञ्चालनमा सम्पन्न भएको थियो ।