बोहोराफाँट समाज जापानद्वारा १० घरपरिवारलाई खाद्यान्न सहयोग

रेडियो गलकोट
३ कार्तिक, २०८३

गलकोट नगरपालिका वडा नम्वर ३ बोहोराफाँटमा बडादसैँको अवसरमा आर्थिक रूपमा विपन्न घरपरिवारलाई खाद्यान्न सामग्री वितरण गरिएको छ ।

बोहोराफाँट समाज जापानको सहयोगमा चाडपर्वको समयमा आर्थिक अवस्था कमजोर भएका १० घरपरिवारलाई राहत पु¥याउने उद्देश्यले खाद्यान्न सामग्री वितरण गरिएको हो । दसैँजस्तो महत्वपूर्ण चाडपर्व मनाउने समयमा विपन्न परिवारलाई दैनिक उपभोग्य सामग्रीको अभाव हुन नदिन सहयोग गरिएको हो ।

खाद्यान्न वितरणका क्रममा सम्बन्धित परिवारलाई चामल, चिनी, दाल, नुन, तेल, साबुन, मसला लगायतका दैनिक उपभोग्य सामग्री हस्तान्तरण गरिएको थियो ।

बोहोराफाँट टोल सुधार समितिका अध्यक्ष बेलबहादुर बोहोरा क्षेत्री, जगतबहादुर बोहोरा र रेशम कार्कीको नेतृत्वमा खाद्यान्न सामग्री हस्तान्तरण गरिएको थियो ।

बोहोराफाँट समाज जापानका अध्यक्ष प्रकाश बोहोराले चाडपर्वको समयमा आर्थिक रूपमा विपन्न परिवारलाई सहयोग गर्ने उद्देश्यले खाद्यान्न सामग्री वितरण गरिएको बताउनुभयो ।

उहाँले विदेशमा रहेर पनि आफ्नो गाउँठाउँका नागरिकको सुखदुःखमा साथ दिने र आवश्यकतामा परेका परिवारलाई सहयोग पु¥याउने उद्देश्यले कार्यक्रम सञ्चालन गरिएको बताउनुभयो ।