पाण्डवखानीको सुनपानीमा कालिका स्पोर्ट बोका कप सम्पन्न

सुरेश छन्त्याल
३ कार्तिक, २०८३

गलकोट नगरपालिका वडा नम्वर १०, पाण्डवखानीस्थित सुनपानीमा विजया दशमीको अवसरमा आयोजित कालिका स्पोर्ट बोका कप जुनियर तथा विविध खेलकुद कार्यक्रम सम्पन्न भएको छ ।

कार्यक्रम संयोजक वीरेन्द्र घर्तीको नेतृत्व तथा संयोजनमा सञ्चालन भएको प्रतियोगितामा स्थानीय पुरुष, महिला तथा जुनियर खेलाडीहरूको उत्साहजनक सहभागिता रहेको थियो । प्रतियोगिताअन्तर्गत पुरुषतर्फ ज्याथर टिम ‘ए’ प्रथम र ज्याथर टिम ‘बी’ दोस्रो भएका छन् । त्यस्तै, महिलातर्फ आयोजक टिम ‘बी’ प्रथम र आयोजक टिम ‘ए’ दोस्रो भएका छन् ।

यसैगरी, १३ वर्षमुनिको (यू–१३) पुरुष फुटबल प्रतियोगितामा आयोजक टिम प्रथम र लेङ्गुरे टिम दोस्रो हुन सफल भएका छन् ।

विजया दशमीको अवसर पारेर आयोजना गरिएको प्रतियोगिताको मुख्य उद्देश्य गाउँघरमा लुकेर रहेका बालबालिका तथा युवाहरूको खेल प्रतिभा पहिचान गरी उजागर गर्नुका साथै खेलकुदको विकास र प्रवद्र्धन गर्नु रहेको आयोजकले जनाएको छ ।

खेलकुदका माध्यमबाट स्थानीय युवाहरूलाई खेलप्रति आकर्षित गर्ने, आपसी भाइचारा र एकता अभिवृद्धि गर्ने तथा समुदायमा खेलकुद संस्कृतिको विकास गर्ने उद्देश्यले कार्यक्रम आयोजना गरिएको हो ।

यसै अवसरमा आयोजक टिमले पाण्डवखानीस्थित न्यु घुम्टे एजुकेसनल एकेडेमीलाई शैक्षिक सामग्रीसमेत सहयोग गरेको छ । खेलकुद कार्यक्रमसँगै विद्यालयलाई शैक्षिक सामग्री उपलब्ध गराएर बालबालिकाको शैक्षिक गतिविधिमा सहयोग पु¥याउने प्रयास गरिएको हो ।