पाण्डवखानीमा ब्याडमिन्टन प्रतियोगिता सम्पन्न

सुरेश छन्त्याल
४ कार्तिक, २०८३

गलकोट नगरपालिका वडा नम्वर १० पाण्डवखानीमा ब्याडमिन्टन प्रतियोगिता सम्पन्न भएको छ ।

पाण्डवखानी ब्याडमिन्टन समुहको आयोजनामा ब्याडमिन्टन प्रतियोगिता सम्पन्न भएको हो ।

प्रतियोगितामा पुरुष डबल ब्याडमिन्टन प्रतियोगितामा विकास काउचाको समुह प्रथम र निरज पुनको समुह द्धितिय भएका थिए । त्यस्तै मिक्स डबल ब्याडमिन्टन प्रतियोगितामा भिम सुनारको समुह प्रथम र खिम काउचाको समुह द्धितिय भएका थिए ।

कार्यक्रममा पाण्डवखानी समाज युकेका उपाध्यक्ष हिरा बहादुर थापाले गलकोट क्षेत्रकै दुर्गम बस्तीमा यस्ता खेलकुद तथा सांस्कृतिक कार्यक्रमहरू आयोजना हुनु गौरवको विषय भएको बताउनुभयो । उहाँले गाउँमै बसेर आफ्नो कला, संस्कृति, परम्परा र इतिहासको संरक्षण गरिरहेका सम्पूर्ण गाउँवासीहरूलाई धन्यवाद व्यक्त गर्नुभएको थियो ।

उक्त कार्यक्रममा प्रतियोगिता तथा कार्यक्रमलाई सफल बनाउन सहयोग पु¥याउने सम्पूर्ण सहयोगदाताहरूलाई सम्मान पत्रद्वारा सम्मान गरिएको थियो ।

कार्यक्रम पाण्डवखानी ब्याडमिन्टन समूहका अध्यक्ष धनबहादुर सुनारको अध्यक्षता, खिम बहादुर काउचाको स्वागत र दिप घर्तीको सञ्चालनमा सम्पन्न भएको थियो ।